«Այստեղ կան քաղաքական խորը գործընթացներ»․ Զարուհի Փոստանջյան

«Երկիր ծիրանի» կուսակցության նախագահ Զարուհի Փոստանջյանը «Հայելի» ակումբում անդրադարձել է ՔՊ-ական Խաչատուր Սուքիասյանին պատկանող «Սիլ Պլազայի» սեփականության իրավունքից զրկելու դատախազության պահանջին․ «Տարիներ առաջ ոչ միայն այդ տարածքի սեփականաշնորհումը, այլ հազարավոր գործարանների և այլ տարածքների սեփականաշնորհում է տեղի ունեցել, ոմանք միգուցե օրինական կարգով, բայց հիմնականում ամեն ինչ տեղի է ունեցել անօրինական։ Ես չեմ կարծում, որ այնտեղ խնդիր պետք է առաջացած լիներ, առաջինը այդ տարածքից չպետք է սկսվեր վերանայումը, կարելի էր սկսել հազարավոր գործարաններից։ Հաշվի առնելով, որ տարածքի ճարտարապետական տեսքը պահպանվել է, սա չպետք է լիներ առաջնայինը, հետևաբար մենք կարող ենք ենթադրել, որ այստեղ կան խորը քաղաքական գործընթացներ, որի միջոցով ուզում են հասկացնել այլ անձանց, որ մենք նման գործառույթներ ենք իրականցնելու, ինչու չէ՝ նաև պայմանավորված Սուքիասյանի հետ, միգուցե իրար հետ հարցեր կան, որոնք պետք է ճշտեն, որովհետև մենք հասկանում ենք, որ ՀՀ-ում իշխանությունը կենտրոնացված է բուրգաձև՝ ինչպես նախկինում էր․ բուրգի վերևում կանգնածն է որոշումները կայացնում՝ վերևում կանգնած են Աննան և Նիկոլը, 2018 թվականից Հայաստանը այլևս ղեկավարում են ամուսինները»։