«Ոտքի վրա կայացված որոշումները հարված են եղել մեր պետական և ռազմական կառավարման գործունեությանը». Ս. Օհանյան

«Նոյեմբերի 9-ը, այն հայտարարության օրն է, որը ամրագրեց աղետալի վիճակ»,- Հայաստանի ինքնիշխանությանը սպառնացող մարտահրավերների վերաբերյալ քննարկման ժամանակ հայտարարեց «Հայաստան» խմբակցության ղեկավար, ՊՆ նախկին նախարար Սեյրան Օհանյանը:

«Պատերազմի ամբողջ ընթացքի վերլուծությունից հետո մենք եզրակացնում ենք հետևյալը․ պետական և ռազմական կառավարման համակարգում ռազմական թատերաբեմի չգիտակցելը բերեց մեր ժողովրդի համար պարտության, բայց մարտական գործողությունների տարբեր հատվածներում, ուղղություններում մեր հրամանատարներն ու զինվորները, հատկապես նրանք, ովքեր իրենց կյանքն են տվել, ովքեր հերոսաբար իրենց վրա են վերցրել պատերազմական դաժանությունները, ծանրությունները, ուղղակի հերոսություններ են ցուցաբերել»,-ասաց Օհանյանը:

Շարունակելով խոսքը՝ նա ասաց. «Այսօրվա իշխանությունները պատերազմի ժամանակ ոչինչ չեն արել հաջողության հասնելու համար, ըստ էության, ոտքի վրա կայացված որոշումները հարված են եղել մեր պետական և ռազմական կառավարման գործունեության համար: Կառավարությունը, ԱԺ-ն, ԱԽ-ն, ԶՈՒ-ն, ԳՇ-ն այն վայրերը պետք է լիեին, որտեղ մանրակրկիտ քննարկումներից հետո կայացվեին ծանրակշիռ որոշումներ, և հակառակարոդին, ինչ-որ մի հատվածում, կանգնեցնեին»: