«Երևանից Եղեգնաձոր, Գորիս կամ Կապան գնալու եք «Ադրբեջանի տարածքով»»․ Արթուր Խաչատրյան

«Բացատրեմ նրանց համար, ովքեր տեղյակ չեն։ 29.800 քմ-ը չի ներառում անկլավներ: Եթե վաղը դուք Երևանից գնաք Եղեգնաձոր, Գորիս կամ Կապան, կգնաք «Ադրբեջանի տարածքով։ Խոսքը Երասխի, Տիգրանաշենի մասին է։ Նման իրավիճակ կլինի Վրաստան տանող ճանապարհին ևս»,- լրագրողների հետ զրույցում ասել է «Հայաստան» խմբակցության պատգամավոր Արթուր Խաչատրյանը։

Խոսելով ստորագրվելիք խաղաղության պայմանագրի մասին՝ պատգամավորը շեշտել է. «Եթե դա, այնուամենայնիվ, տեղի ունենա, դա կլինի ադրբեջանական զենքի տակ ստորագրված փաստաթուղթ»: Հարցին՝ ինչպե՞ս կարելի է խանգարել նման համաձայնագրի ընդունման գործընթացին, Խաչատրյանը պատասխանել է. «Ստորագրելը մի բան է, վավերացնելը՝ մեկ այլ բան։ Կարելի է կանխել, եթե ընդդիմությունը կարողանա մոբիլիզացնել հասարակությանը, և ժողովուրդը գիտակցի ողջ վտանգը։ Խորհրդարանում ձայների հարաբերակցությունը կարող է արագ փոխվել, եթե ժողովուրդը դուրս գա փողոց»։