«Եթե այս երեք գործոններից ՀՀ իշխանությունները հրաժարվեն, Հայաստանը կհայտնվի աշխարհաքաղաքական պարկում». Ռուստամյան

Հայաստանին սպառնացող մարտահրավերների վերաբերյալ քննարկմանը ԱԺ «Հայաստան» խմբակցության պատգամավոր Արմեն Ռուստամյանը իր խոսքում ասել է․ «Ինքնակործանման գնով խաղաղության գնացող իշխանությունը լեգիտիմացնում է իշխանափոխության նպատակը։ Ազգը չեն համախմբում հանձնվելու համար: Այսօր խոսում են համախմբումից, որ գնանք հանձնվե՞նք, որ վիրավորվե՞նք: Գնա՞նք հանձնվենք Ադրբեջանին: Համախմբվում են համազգային նպատակի շուրջ։ Հայաստանը մինչև հիմա երեք ֆակտորով է աշխարհին հետաքրքրել. առաջինը՝ Արցախ, երկրորդը՝ Սյունիք, երրորդը՝ ատոմակայան։ Եթե Արցախ չկա՝ Հայաստանի ֆակտորը վերանում է։ Եթե այս երեք գործոններից ՀՀ իշխանությունները հրաժարվեն, հայկական գործոնը կվերանա, Հայաստանն էլ կհայտնվի աշխարհաքաղաքական պարկում, որը ոչ ոքի հետաքրքրիր չի լինի»: