Ուրբաթ, 22 սեպտեմբերի, 2023 թ.
|
Ստեփանակերտում`   +14 °C

«Ասֆալտչիկ Սուրոն իր Նիկոլի հետ ասում էր, որ նոյեմբերի 9-ը հանուն խաղաղության է»․ Աննա Մկրտչյան

«Ասֆալտչիկ Սուրոն իր Նիկոլի հետ ասում էր, որ նոյեմբերի 9-ը հանուն խաղաղության է»․ Աննա Մկրտչյան
188
Հինգշաբթի, 10 նոյեմբերի, 2022 թ., 11:12

ԱԺ «Պատիվ ունեմ» խմբակցության պատգամավոր Աննա Մկրտչյանը 168TV-ի եթերում խոսել է ներկա իշխանությունների վարած քաղաքականության մասին․ «Սրանք անում են ամեն ինչ, որպեսզի մենք մոռանանք հաղթանակի զգացողությունը, որպեսզի ընդամենը 5 տարի առաջվա իրականությունները, որ ունեինք ազատ Արցախով և Հայաստանով, այլևս երբեք վերադարձնելի չլինեն մեզ համար»:

Ըստ Մկրտչյանի՝ «Փաշինյանը Ալիևի սպառնալիքներին ու հայատյաց հայտարարություններին չի արձագանքում, որովհետև Ալիևն իր մասին շատ բան գիտի, այնքան բան գիտի, որ անգամ Նիկոլի մտերիմներն ու այս հասարակությունը իրար հետ վերցրած՝ այդքան բան չգիտեն»:

Անդրադառնալով հայկական դիրքերի ուղղությամբ ադրբեջանական ԶՈՒ ստորաբաժանումների կրակոցներին՝ պատգամավորը նշել է․ «Բա էդ ասֆալտչիկ Սուրոն իր Նիկոլի հետ ասում էր, որ նոյեմբերի 9-ը հանուն խաղաղության է, այդ ինչո՞ւ են երկու տարի անց էլի կրակում․ իրենք սրա բացատրությունն ունե՞ն: Բա խաղաղություն էին բերում մեզ իբր Արցախի գնով, հիմա ո՞նց են բացատրում այս ամենը»:

«Ասֆալտչիկ Սուրոն իր Նիկոլի հետ ասում էր, որ նոյեմբերի 9-ը հանուն խաղաղության է»․ Աննա Մկրտչյան