«Մի քանի օր առաջ ահազանգ ստացանք Ջերմուկից»․ Արման Թաթոյան

ՀՀ նախկին ՄԻՊ Արման Թաթոյանն ասուլիսի ընթացքում ներկայացրել է «Թաթոյան» հիմնադրամի փաստահավաք աշխատանքների արդյունքները՝ կապված 2022թ. սեպտեմբերի 13-ին ՀՀ ինքնիշխան տարածք ադրբեջանական զինված ներխուժման հետ․ «Եկեք մեզ հարց տանք․ ադրբեջանական զինված ուժերը, որ այդքան դիրքեր են դրել մեր տարածքում, միայն այդ փոքր Ներքին Հանդում մինչև տասը զինված դիրք կա, ամեն մի դիրքում էլ 20 զինծառայող և ավել․․․ Ջերմուկի օկուպացված տարածքներում վառելափայտ են անգամ տարել, որովհետև պատրաստվում են ձմռանը, չեն պատրաստվում այնտեղից դուրս գալ։ Այս պայմաններում դուք կարծում եք՝ նրանք խաղաղությա՞ն են պատրաստվում։ Խաղաղության պայմանագիրը համոզված եմ՝ չի գործելու, եթե կնքվի այս պայմաններում։ Նրանք ամրանում են Գեղարքունիքում, Վայոց ձորում, Սյունիքում։ Մի քանի օր առաջ ահազանգ ստացանք Ջերմուկից, որ կրակոցներ են եղել, մարդիկ լսել են, Սյունիքում էլ է էդպես․ սա պատերազմ չի՞, մենք ամեն օր գտնվում ենք պատերազմի մեջ»,- ասել է Թաթոյանը։