«Ասում է՝ իմացեք ձեր գլխի գալիքը, իմ վրա հույս չդնեք». Գևորգ Պետրոսյան

ԱԺ նախկին պատգամավոր Գևորգ Պետրոսյանը ֆեյսբուքյան եթերում անդրադարձել է ՀՀ վարչապետ Նիկոլ Փաշինյանի արձագանքին՝ ուղղված նոյեմբերի 8-ին օկուպացված Շուշիում Ադրբեջանի նախագահ Ալիևի ելույթին․ «Նիկոլը հանդես է գալիս խոստովանությամբ, որ Ալիևը նախապատրաստում է ԼՂ հայության ցեղասպանություն։ Բա դու էիր ասում՝ թող գան, ադրբեջանական համայնք ստեղծվի Արցախում, մոռացե՞լ ես, որ դու էիր այդ նախաձեռնությունը ստանձնել, հիմա ժողովրդի առաջ պաշտպանվում ես, ասում ես՝ իմացեք ձեր գլխի գալիքը, իմ վրա հույս չդնեք։ Փոխանակ Ալիևին հակադարձի, բան ու գործը թողել է, շնորհավորում է Կամբոջայի վարչապետին։ Թափառախումբը պետք է ցրվի, դրանց օր ավել իշխանության մնալը սպառնում է հայի գոյությանը»,- ասել է Պետրոսյանը: