«Փաստերը որքան էլ ձևախեղես, շարունակում են մնալ ամրագրված թղթերով». Նարինե Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «Իրականության հետ առերեսվելու մասին է խոսում Փաշինյանը, հիշում Արտաշես Քալանթարյանի գրվածքներից մթին ընկալված մի դրվագ, ու ակներև է, որ հենց ինքն իրեն է համոզում, որ ճիշտն իր հյուսած պատումն է, իր մեկնաբանումը, երկրի հակառակ կողմից տեսածը, գծել-ջնջել է ուզում անցյալն ու ներկան, բայց չի ստացվում, աշխարհը մեր ու Արցախի դեմ չէ, փաստերը որքան էլ ձևախեղես, շարունակում են մնալ ամրագրված թղթերով և ոչ խոսքերով, որքան էլ ոլոր-մոլոր պնդես, թե 1992թ. , հետո էլ 2008թ. «Հայաստանը ճանաչել է Արցախն ադրբեջանի կազմում», «չեղարկել է Արցախի անկախության հանրաքվեն», պարզ է, որ հայելիներն են ծուռ, դիտումը՝ կեղծ, առերեսվել է պետք առանց ծուռ հայելիների....»: