«Ինչո՞ւ է վարչապետն ավելի կոշտ սկսել արձագանքել Ալիևի հայտարարություններին»․ Հրաչյա Հակոբյանի արձագանքը

«Ազատության» ֆեյսբուքյան ասուլիսի ժամանակ՝ պատասխանելով օգտատիրոջ հարցին՝ թե վարչապետ Նիկոլ Փաշինյանն ինչո՞ւ է ավելի կոշտ սկսել արձագանքել Ալիևի հայտարարություններին, արդյոք այս «դիրքավորումը» չի՞ բերի նոր պատերազմի, ԱԺ ՔՊ խմբակցության պատգամավոր Հրաչյա Հակոբյանն ասաց․ «Երբ լինում է մեղմ հռետորաբանություն, մեզ մեղադրում են, որ չկա այդ կոշտությունը, երբ հիմա որոշակի կոշտություն կա, ասում են՝ ինչու են կոշտ արձագանքում․․․Հիմա դերերի փոփոխություն է տեղի ունեցել՝ միջազգային հանրությունը Ադրբեջանին մեղադրում է ագրեսիայի մեջ, որովհետև նա ոտնձգություն է իրականացնում Հայաստանի Հանրապետության սուվերեն տարածքի նկատմամբ․ այստեղից էլ, բնականաբար, վարչապետը պետք է կոշտ հայտարարություններ անի։ Ինչու չէ՝ նաև պայմանավորված է Արևմուտքի աջակցությամբ»։