«Բանակցություններից ես էլ, Փաշինյանն էլ, Ալիևն էլ, Մակրոնն էլ, Պուտինն էլ գոհ չենք»․ Աղազարյան

ՔՊ-ական պատգամավոր Հովիկ Աղազարյանը ճեպազրույցի ընթացքում խոսելով ընդդիմադիրների իշխանափոխության պահանջի մասին՝ ասել է․ «Շատ լավ գիտեն, թե ով է Նիկոլ Փաշինյանը․ Փաշինյանը Հայաստանում անառարկելի հեղինակություն ունեցող քաղաքական գործիչ է և լիդեր»։

Հարցին՝ բանակցություններից գո՞հ է, պատգամավորն արձագանքել է․ «Բանակցություններից ես էլ, Փաշինյանն էլ, Ալիևն էլ, Մակրոնն էլ, Պուտինն էլ գոհ չենք, բանակցություններից ոչ մեկ էլ գոհ չի, բայց բանակցություններ պետք են։ Բանակցությունները ես կարևորում եմ հետևյալ հանգամանքով, որ մենք կարողացանք աշխարհին ցույց տալ, որ ՀՀ-Ադրբեջան հարաբերությունները պետք է տարանջատել Արցախ-Ադրբեջան հարաբերություններից: Արցախի ժողովուրդն ինքնորոշվել է, հայտարարել է իր անկախության մասին, իսկ մենք պարտավոր ենք հնարավորինս անել՝ օժանդակելու նրանց ինքնորոշման իրավունքին»։