«Գիշերվա կեսին հասա «պասպորտ կոնտրոլ», ինձ ասացին՝ չես կարող երկրից դուրս գալ». Աշոտյան

«Գիշերվա կեսին, երբ որ անցա այդ ամբողջ հաշվառումը, մոտեցա անձնագրային ստուգման հատվածին, այսպես կոչված՝ «պասպորտ կոնտրոլ»-ին, ԱԱԾ աշխատակիցներից մեկի դեմքին զարմանք առաջացավ. ինձ ասացին, որ ձեզ Հայաստանը լքել չենք կարող թույլատրել, քանի որ մեզ ասացին, որ Դուք մեղադրյալ եք ինչ-որ գործով և փոխանցեցին հեռախոսահամար: Պարզվեց՝ ՔԿ քննիչի հեռախոսահամարն էր, որը քննում է Բժշկական համալսարանի հետ կապված վերջին քաղաքական սկանդալի վերածած գործը»,- հրավիրած մամուլի ասուլիսի ժամանակ ասաց Արմեն Աշոտյանը, ով պետք է մեկներ Լիսաբոն՝ մասնակցելու Եվրոպական ժողովրդական կուսակցության քաղաքական համաժողովին: