«ԼՂ հայերի իրավունքների և անվտանգության վերաբերյալ հարցերն օրակարգից չենք հանելու». Փաշինյան

ԱԺ-Կառավարություն հարցուպատասխանի ժամանակ վարչապետ Նիկոլ Փաշինյանն անդրադարձավ արցախահայության իրավունքների և անավտանգությանն առնչվող հարցերին. «Այդ հարցերի շահագրգիռ կողմը պետք է լինի հենց ԼՂ-ն: Միջազգային հանրության շրջանում էլ այդ ըմբռնումը կա, որ միջազգայնորեն տեսանելի խոսակցություն պետք է կայանա Լեռնային Ղարաբաղի և Ադրբեջանի ներկայացուցիչների միջև, որը պետք է լինի Լեռնային Ղարաբաղի հայերի իրավունքների և անվտանգության մասին»,-ասաց նա՝ նշելով, որ օրակարգից չեն հանելու այդ հարցը:

«Եթե մենք այս խնդիրը լուծում ենք, իհարկե ՀՀ-ն պատրաստ է փոխադարձաբար տարածքային ամբողջականության և ինքնիշխանության ճանաչման հենքի վրա շրջանակային պայմանագիր կնքել Ադրբեջանի հետ խաղաղության վերաբերյալ»,-ասաց վարչապետը: