Ռոնալդուն «Մանչեսթեր Յունայթեդից» հեռանալուց հետո հանդես է եկել հայտարարությամբ

Ռոնալդուն ասում է, որ «նոր մարտահրավեր» է փնտրում «Մանչեսթեր Յունայթեդի» պայմանագրի խզումից հետո
Պորտուգալացի հարձակվող Կրիշտիանու Ռոնալդուն հայտարարել է, որ ժամանակն է, որ ինքը նոր մարտահրավեր փնտրի «Մանչեսթեր Յունայթեդից» հեռանալուց հետո:

«Մանչեսթեր Յունայթեդի» հետ բանակցություններից հետո մենք պայմանավորվեցինք վաղաժամկետ խզել պայմանագիրը։ Ես սիրում եմ «Մանչեսթեր Յունայթեդը» և սիրում եմ երկրպագուներին, որոնք երբեք չեն փոխվի։ Այնուամենայնիվ, ինձ թվում է, որ եկել է նոր մարտահրավեր փնտրելու ժամանակը։ Թիմին մաղթում եմ հաջողություններ մրցաշրջանի մնացած հատվածում և ապագայում»,- Ռոնալդուին մեջբերում է «Telegraph»-ի լրագրող Մեթ Լոուն:
«Մանչեսթեր Յունայթեդը» նոյեմբերի 22-ին հայտարարեց 37-ամյա Ռոնալդուի հետ կողմերի փոխադարձ համաձայնությամբ պայմանագիրը խզելու մասին։ Նրա պայմանագիրը գործում էր մինչև մրցաշրջանի ավարտը։

Ռոնալդուն «Ոսկե գնդակի» հնգակի դափնեկիր է, Չեմպիոնների լիգայի հնգակի դափնեկիր, Եվրոպայի չեմպիոն։ Հարձակվողը վերադարձել է «Մանչեսթեր Յունայթեդ» անցած ամառ՝ նախկինում թիմում հանդես գալով 2003-2009 թվականներին: Նա խաղացել է նաև «Սփորթինգում», «Ռեալում» և «Յուվենթուսում»: