«Իշխողների համար կարևոր է, որ զանգվածները «լինեն երջանիկ»․ Վ․ Հովհաննիսյան
 266 Երեքշաբթի, 29 նոյեմբերի, 2022 թ., 23:06 Չքնաղ նոր Հայաստանի տոնակատարությունը Առաջներում, երբ դեռ չկար աղետ, քաղաքը երբեք այդքան ցուցադրաբար չէր զարդարվում։ 18-19 դարի Ամերիկայում սևամորթ ստրուկներին ամենածանր տառապանքներից հետո ստիպում էին երգել-պարել։ Ուրախ լինելուց հրաժարվելը ավելի կոշտ պատիժ էր առաջացնում։ Նացիստները համակենտրոնացման ճամբարներում ստիպում էին հրեաներին՝ ուրախ թռվռալ, զվարճանալ։ Գուլագներում կին, ամուսին, բարեկամներ ունեցող ընտանիքների մյուս անդամները պարտավոր էին ուրախ և զվարթ տեսք ունենալ սովետական համընդհանուր տոներին։ Հաքսլին իր «Նոր չքնաղ աշխարհում» նկարագրում է Ալֆաների վերաբերմունքը մշտական ծանր աշխատանքի մեջ գտնվող և ավելիի ոչ մի բանի իրավունք չունեցող ցածր կաստաների հանդեպ. «Միակ բանը, որը պահանջվում է նրանցից՝ լինել երջանիկ»։ Իշխողների, վերին կաստաների, իշխանությունների համար կարևոր է, որ ամենաանմարդկային պայմաններում անգամ զանգվածները «լինեն երջանիկ»։ Երևանի փողոցներում պարտադրվող նախաամանորյա և նախաեվրատեսիլյան ուրախությունը՝ փակվող փողոցներով, գունագեղ լույսերով, մեծ տոնածառերով, այս շարքից է։ Ամենադժվար պայմաններում անգամ կարելի է կազմակերպել զուսպ տոնակատարություն՝ հաշվի առնելով, իրոք, որ կան երեխաներ, կա ընթացիկ կյանք և այլն։ Իշխանությունն առաջնորդվում է «զանգվածների ուրախությունը իմ փրկությունն» է բանաձևով։ Դրա համար բյուջեից ցանկացած գումար դնում է, որ պարտադրվող ուրախությունը լինի ավելի զանգվածային։ Ուրախացեք, որ մոռանաք բոլոր զոհերն ու կորուստները, ուրախացեք, որ մոռանաք, որ 150 հազար հայ մեր իշխանության օրոք կանգնած է ցեղասպանության վտանգի առաջ, և ուրախացեք, որ մոռանաք, որ մեր իշխանության օրոք ամեն օր կարող է սկսվել նոր պատերազմ՝ նոր զոհերով։ Պարտադրվող ուրախությունը բերում է հասարակական դեգրադացիոն հարաբերությունների. է՛լ ավելի են առանձնանում ու տարբերակվում վշտի հանրային շերտը, փուչիկի և սալյուտի շերտը, անտարբերների շերտը և այլն։ Փոքր Հայաստանում սա շատ գռեհկության աստիճանի ցավոտ է ստացվում։ Բայց արդյո՞ք մենք հոտ ենք, թե՞ կարող ենք լինել նորմալ հասարակություն, և արդյո՞ք հասարակական մթնոլորտը միայն իշխանությունը պիտի ձևավորի։ Երբ մենք վերջապես ձևավորենք ազդեցիկ հանրային միավորներ, կկարողանանք ազդել նաև հանրային ընկալումների վրա՝ կանգնեցնելով դեգրադացիոն պրոցեսները։ Վահե Հովհաննիսյան Այլընտրանքային նախագծեր խումբ Աղբյուրը` Այլընտրանքային նախագծեր խումբ |
Վեհափառի եղբայրն ու եղբորորդին տնային կալանքից ազատ արձակվեցին
3417:42
«Ադրբեջանի բանտերում գտնվող հայ քաղաքացիների պաշտպանության համար ո՞վ է պատասխանատու»․ Ռուբեն Վարդանյան
7017:36
«Հանրային ընկալման մեջ ձեզ կապում են ՔՊ-ի հետ և կասկածում ձեր օբյեկտիվությանը»․ լրագրողը՝ Վահագն Հովակիմյանին (տեսանյութ)
7617:24
«Հպարտ եմ, որ գառ գրկող եմ, ոչ թե խոզ խանձող»․ Բագրատ Սրբազան (տեսանյութ)
10217:12
«Անչափահասների նկատմամբ նման գործողությունների համար պետք է սահմանել ցմահ ազատազրկում»․ Մանե Թանդիլյան
10217:06
«Քննիչն ասաց՝ եթե ցուցմունք չտաք, ձեզ վրա դատական գործ է հարուցվելու»․ Վեդիի բնակիչ (տեսանյութ)
14616:36
«Եթե չներկայանաք, բերման կենթարկենք». Վեդիում բողոքի ակցիայի մասնակիցներին հրավիրել են ՔԿ
14216:18
Բագրատ Սրբազանի և մյուսների գործով դատական նիստը՝ ուղիղ միացմամբ (տեսանյութ)
9015:36