«Պեմզաշենում վրեժխնդրության ալիք կար․ փորձում ենք աշխատել մարդկանց հետ՝ առանց խոցելի վիճակի մեջ դնելու»․ ՄԻՊ

«Մենք մոնիտորինգ ենք իրականացրել, անձանց որևէ ձևով խոցելի վիճակում չդնելու համար ես որևէ բան չեմ ասի այն աշխատանքի մասով, որը մենք կատարել ենք, որովհետև մենք առաջնորդվում ենք չվնասելու սկզբունքով, բայց ձեզ հավաստիացնում եմ թե՛ քրեական գործի վարույթը, թե՛ ներգրավված անձինք, որոնք կարող էին վարույթի ընթացքում կամ հետագայում խոցելի լինել, գիտեք՝ դեպքից հետո նաև կար վրեժխնդրության, ցասումի ալիք բնակչության մոտ, այս մասով մենք փորձում ենք առանց անձանց առավել խոցելի վիճակի մեջ դնելու աշխատել իրենց հետ»,- այս մասին լրագրողների հետ զրույցում հայտնել է ՀՀ մարդու իրավունքների պաշտպան Քրիստիննե Գրիգորյանը։