«Չկա նիկոլականության դեմ ավելի նիկոլականությամբ հաղթանակի ճանապարհ»․ Վլադիմիր Մարտիրոսյան

Քաղաքագետ Վլադիմիր Մարտիրոսյանը ֆեյսբուքյան իր էջում գրել է․ «Քաղաքական ամբիցիաներ և Փաշինյանի իշխանությանը վերջ տալու քաղաքական նպատակներ և նոր առաջնորդության հայտ ներկայացնողները լավ կլինի սկսեն Երևանի ընտրություններից: Հիշեք, ընտրությունները քաղաքական միջոցառում են, որոնք ունեն քաղաքական ներառականության և մոբիլիզացիայի երեք փուլ՝ նախընտրական-ընտրական-հետընտրական: Բոլոր փուլերը ենթակա են գերքաղաքականացման և էական չէ, որ Երևանի քաղաքապետի ընտրություն է: Բոլոր քաղաքական խնդիրները Երևանում են և ենթակա են գերքաղաքականացման:
Բարի խորհուրդ՝ առաջնորդության նոր հայտ ներկայացնողներին՝ սկսեք առայժմ քաղաքից և անցեք ձեր քաղաքական ճանապարհը: Այդ ճանապարհը ուզած չուզած պետք է անցնեք զրկանքներով, ինքնազոհությամբ, կամքով, բացառիկ քաղաքական գրագիտությամբ ու համառությամբ: Չկա նիկոլականության դեմ ավելի նիկոլականությամբ հաղթանակի ճանապարհ: Սա ընդդիմադիր քաղաքական առաջնորդության հայտի լավ առիթ է дальше видно будет и нам и вам !!!
P.S. Ուշանում եք, եթե ոչ ուշացել եք:
Կներեք, որ բոլտերի ու հրապարակի տոնախմբության մասին չէ գրառումս»: