Շինարարության թույլտվության տրամադրման համար նախատեսված տեղական տուրքի դրույքաչափերը կբարձրանան

Շինարարության թույլտվության տրամադրման համար նախատեսված տեղական տուրքի դրույքաչափերը կբարձրանան․ այս մասին ԱԺ-ում ՀՀ հարկային օրենսգրքում փոփոխություններ և լրացումներ կատարելու մասին նախագծերի փաթեթը ներկայացնելիս ասել է ՀՀ ֆինանսների փոխնախարար Արման Պողոսյանը։ «Նախագծերով առաջարկվում է բարձրացնել շինարարության թույլատվությունների տրամադրման համար նախատեսված տեղական տուրքի դրույքաչափերը, սահմանել տեղական տուրք նաև շինարարության թույլտվության ժամկետների երկարաձգման համար: Մինչև այս պահը տեղական տուրք սահմանված է միայն շինարարության թույլտվությունների տրամադրման համար, ժամկետների երկարաձգման համար տուրք սահմանված չէ»,-ասել է փոխնախարարը։

Արման Պողոսյանը նշել է, որ առաջարկվում է տեղական տուրքի դրույքաչափերի բարձրացումը անհատական բնակելի տների մասով կիրառել միայն Երևան քաղաքի վարչական տարածքում։