«Այստեղ գործակալը հեղափոխություն է անում, միլիարդատերը՝ ընդդիմություն խաղում, ժողովուրդը՝ արտագաղթում»․ Ա․ Համբարձումյան

Նախկին ՔՊ-ական, ՇՊՀ դասախոս Արթուր Համբարձումյանը ֆեյսբուքյան իր էջում գրում է. «Հայաստանում չկա քաղաքականություն, բայց կան հարյուրավոր քաղաքական գործիչներ: Պետություն չկա, փոխարենը կան վագոններով պետական գործիչներ:
Հայաստանում չկան կուսակցություններ, քաղաքական գաղափարախոսություններ կրողներ, բայց՝ պետռեգիստրում կան գրանցված հարյուրից ավել կուսակցություններ: Կան կուսակցկական լրատվամիջոցներ, կուսակցական ժուռնալիստներ, կուսակցական մեկնաբաններ: Իրենք իրենց ժուռնալիստներին ինտերվյուներ են տալիս, հետո իրենց կուսակցական վեցնոցները պատրոնի խոսքը տարածում են, մեկնաբանում են ու ոհմակներով հաձակվում են քննադատների վրա:
Պառլամենտ չկա, բայց կան դեպուտատներ:
Բանակ չկա, փոխարենը կան հարյուրավոր գեներալներ:
Սա Հայաստանն է:
Այստեղ գործակալը հեղափոխություն է անում, միլիարդատերը՝ ընդդիմություն է խաղում, իսկ ժողովուրդը՝ արտագաղթում է:
Վարչապետը դուրս է գալիս ԱԺ ամբիոն ու ասում է, որ Սերժ Սարգսյանը կապիտուլյացիայի թուղթը թողել է սեղանին ու հեռացել է: Նիկոլ Փաշինյան, հիմա հեռացե՞լ է, թե՝ հեռացրել ես, եզ:
Ասում է՝ մենք ենք պայքարել սկզբից Նիկոլի դեմ, մեկ էլ՝ ադեկվատները: Ադեկվատները հիմա էլ են պայքարում, դա հեչ: Իսկ դո՞ւք: Այ պայքար: Էդ ե՞ս էի ընտրում Նիկոլին վարչապետ, էդ ե՞ս էի Արմեն Սարգսյանին ընտրում նապագահ: Էդ ե՞ս էի վեց ամիս Փաաշինյանի հետ դուռ դռան ապրում, խորհրդատվական ծառայություններ մատուցում Փաշինյանի մանկլավիկներին ՝ արտաքին քաղաքականության, ֆինանսների ու ռազմական հարցերում:
Ախ, դուք պետությանն էիք օգնում, ոչ թե՝ Նիկոլին, մոռացել էի:
Այս մառազմը վերջ չունի ու այն շարունակվելու է այնքան ժամանակ, մինչև ուժեղ ցնցում չապրենք:
Երևանի կենտրոնն է կերել Հայաստանը: Երևանի կենտրոնում տիրում են կեղտոտ բարքեր: Հիմա էլ այնտեղ ցնծում են, ինչպես՝ Բաքվում»: