«Հայաստան երկիրը ֆուտբոլի հավաքականի չափ չկա՞, որ նրան լուրջ վերաբերվի»․ Ոսկան Սարգսյան

Լրագրող Ոսկան Սարգսյանի գրառումը. «Հետխաղյա 11 մետրանոց հարվածաշարով, որը վիճակախաղի պես բան է, ֆուտբոլի աշխարհի առաջնությունից դուրս մնացած Բրազիլիայի և Հոլանդիայի հավաքականների գլխավոր մարզիչներ Տիտեն և Վան Գալը հրաժարական տվեցին։ Իսկ Սեփանակերտում տեղի ունեցած հանրահավաքում «Արցախը Հայաստան է և վերջ» գոռացած, տարօրինակ պատեազմով և թաքուն կապիտուլյացիայով Արցախի 75 տոկոսը հանձնած, Գորիս-Կապան ավտոճանապարհին գտնվող հայկական բնակավայրերը Էյվազլի և Չայզամի անվանած, կառավարման բոլոր ոլորտներում ձախողված Նիկոլ Փաշինյանի մտքի ծայրով անգամ չի անցնում վարչապետի պաշտոնից հրաժարական տալ։ Հայաստան երկիրը ֆուտբոլի հավաքականի չափ չկա՞, որ նրան լուրջ վերաբերվի։ Ավելին, 2023 թվականին Նիկոլ Փաշինյանի աշխատավարձը կբարձրանա, նա աղքատ Հայաստանի սուղ պետական բյուջեից ամսական կստանա 1 միլոի 580 հազար դրամ աշխատավարձ, իսկ պարապությունից աշխարհի տարբեր ծայրերին գտնվող երկրների իրեն անծանոթ նախագահներին շնորհավորող, ՀՀ նախագահի աթոռը զբաղեցնող Վահագն Խաչատուրյանը՝ 1 միլիոն 664 հազար դրամ։
Հայաստանի հպարտ քաղաքացիներ, դուք դրանից գո՞հ եք»։