««Խաղաղ բնապահպանները» ցուցադրում են «Գորշ գայլերի» նշանը». Արման Աբովյան

ՀՀ ԱԺ նախկին պատգամավոր Արման Աբովյանը գրում է. «Ամբողջ գիշեր թուրք-ադրբեջանցի «բնապահպանները» շարունակել են սադրել ռուսներին։ Ակնհայտ է, որ ադրբեջանի հատուկ ծառայությունների հիմնական նպատակներից է հանդիսանում՝ հասցնել մի իրավիճակի, երբ ռուսների նյարդները չեն դիմանա և ինչ-որ «բնապահպան» ռուսական «չափալախ կուտի», ինչն իր հերթին կբերի մի իրավիճակի, երբ արդեն ադրբեջանական բանակի կանոնավոր ստորաբաժանումները կգրավեն Բերձորի միջանցքը, իբր «բնապահպաններին» պաշտպանելու պատրվակով։ Սա անխուսափելի կբերի ռուսների հետ բախմանը, ինչն իր հերթին կտա ադրբեջանցիներին իրավունք պաշտոնապես պահանջել չեղարկել ռուսական խաղաղապահ առաքելությունը։

Հ. Գ. Շատ հետաքրքիր է հետևել, թե ինչպես «խաղաղ բնապահպանները», իրար հերթ չտալով, ցուցադրում են թուրքական ֆաշիստ ահաբեկիչների՝ «Գորշ գայլերի» նշանը»։