«Մենք գտնում ենք, որ ԼՂ հարցի լուծման լավագույն մեխանիզմը կլինի Բաքու- Ստեփանակերտ ուղիղ երկխոսությունը»․ Հայկ Կոնջորյան

«Քաղաքացիական պայմանագիր» խմբակցությունը ընդդիմադիր «Հայաստան» և «Պատիվ ունեմ» դաշինքներին առաջարկել է Արցախում ստեղծված իրավիճակի հետ կապված հանդես գալ միասնական հայտարարությամբ, սակայն ընդդիմադիրները համաձայնություն չեն տվել, հետևաբար՝ քվեարկության արդյունքում ՔՊ-ականանները կողմ են քվեարկել իրենց նախագծին»,- ԱԺ-ում լրագրողների հետ զրույցում ասաց ՔՊ-ական Հայկ Կոնջորյանը։

«Ընդդիմության առաջարկած հայտարարության նախագծում կան դրույթներ, որոնք հակասում են Հայաստանի վարած արտաքին քաղաքականությանը։ Մենք ոչ թե կարգավիճակից ենք բխեցնում ԼՂ հայության անվտանգությունը և իրավունքները, այլ ԼՂ հայության անվտանգությունից և իրավունքներից ենք բխեցնում կարգավիճակը, սրանից ելնելով՝ մենք գտնում ենք, որ ԼՂ հարցի լուծման լավագույն մեխանիզմը կլինի Բաքու- Ստեփանակերտ ուղիղ երկխոսությունը»,- նշեց Կոնջորյանը։