«Ախր մենք գիտենք, երբ որ դուք ուզում եք ինչ-որ մեկին պատժել, դուք դա ոնց եք անում». Աշոտյանը՝ ԱՄՆ ղեկավարությանը

«ԱՄՆ հարգելի գործընկերներ, ախր մենք գիտենք, երբ որ դուք ուզում եք ինչ-որ մեկին պատժել, որովհետև նա խախտել է ինչ-որ մեկի իրավունքները, մենք գիտենք, թե դուք դա ոնց եք անում: Մենք գիտենք, որ դուք գիտեք, որ Ալիևն օլիգարխ ա, որ նա Լոնդոնում ու Դուբայում ավելի շատ փող ունի երևի, քան Ադրբեջանի ողջ բյուջեն ա: Լավ, Ադրբեջանին չեք ուզում պատժել, բայց դիկտատորին կարո՞ղ եք պատժել, սանկցիա կիրառել կարո՞ղ եք: Կարո՞ղ եք անել մի բան, որ հայ ժողովուրդը հանկարծ իր միամտության արդարացումը գտնի, ասի՝ այս աշխարհում արդարության նշույլ կա: Արեք դա, որովհետև դա ձեզ ա պետք»,- Հանրապետության հրապարակից դիմելով ԱՄՆ-ին՝ հայտարարեց Արմեն Աշոտյանը: