«Ուկրաինացիները Պուտինի համար Նոր տարվա «նվեր» են պատրաստել»․ Վահե Գասպարյան

300

Շաբաթ, 17 դեկտեմբերի, 2022 թ., 17:36

«Ուկրաինայում Խերոսոնի հանձնումից հետո համամետաբար դադար է։ Բայց այդ դադարը ուկրաինացիները օգտագործում են հաջորդ՝ չորրորդ հակահարձակման համար»,- Ազատության հրապարակում՝ միջազգային խաղաղապահ ուժեր տեղակայելու պահանջով հանրահավաքի ժամանակ ասաց ԱԺԲ խորհրդի անդամ Վահե Գասպարյանը։

«Չորրորդ հակահարվածն, ամենայն հավանականությամբ, լինելու է հարավային ուղղությամբ, որի հետևանքով ուկրաինական բանակը հասնելու է Ազովի ծովի ափ, և Խերսոնի ձախափյա հատվածը և Ղրիմի մի թերակղզին հայտնվելու են օպերատիվ շրջափակման մեջ։ Դա նշանակում է, որ ռուսական մի ամբողջ զորամիավորում զրկվելու է մատակարարումից և ընդամենը 7-10 օր հետո՝ սպառելով պաշարները, ստիպված է լինելու կա՛մ հանձնվել, կա՛մ պարզապես ոչնչանալ»,- ասաց ԱԺԲ խորհրդի անդամը՝ հավելելով․ «Ուկրաինացիները խոստացել են Վլադիմիր Պուտինին Նոր տարվա նվեր»։