«Չեմ կարծում, որ բրիտանական հետախուզական ծառայության ղեկավարի այցը կապված է Կաշենի հանքի հետ»․ ռազմական փորձագետ

Ռազմական և ազգային անվտանգության հարցերով փորձագետ Հրաչյա Արզումանյանը «Առաջին լրատվականի» եթերում անդրադարձել է ՀՀ վարչապետ Նիկոլ Փաշինյանի և Մեծ Բրիտանիայի գաղտնի հետախուզական ծառայության ղեկավար Ռիչարդ Մուրի՝ դեկտեմբերի 16-ի հանդիպմանը․ «Չեմ կարծում, որ բրիտանական հետախուզական ծառայության ղեկավարի այցը կապված է Կաշենի հանքի հետ, որովհետև հանքերի խնդիրը շատ չնչին գործոն է․ մտածել, որ հանքի խնդիրը կարող է դառնալ տարածաշրջանային․․․ բրիտանական հետախուզության պետի այցը ավելի շատ ռեգիոնալ էր, հանքի շուրջ շահարկումները տեղին չեն: Այցը Հայաստան պետք է դիտարկել ոչ թե փոքր, այլ մեծ պրոցեսների մեջ: Այս կապակցությամբ հույս ունեմ, որ ի վերջո կսկսվեն կառուցվել հայկական հետախուզական ծառայությունները»,- ասել է Արզումանյանը։