«Ադրբեջանի բնակչության 81,8%-ը բացասաբար է վերաբերվում ռուս խաղաղապահներին». Գառնիկ Դավթյան

Ադրբեջանական հարցերով փորձագետ Գառնիկ Դավթյանը թելեգրամյան իր ալիքում գրում է. «Ադրբեջանի սոցիալական հետազոտությունների կենտրոնը հարցում է իրականացրել՝ պարզելու համար իրենց քաղաքացիների՝ ՌԴ խաղաղապահների նկատմամբ ընդհանուր ընկալումները.

. Ադրբեջանի բնակչության 81,8%-ը բացասաբար է վերաբերվում ռուս խաղաղապահներին, 6,9%-ը՝ դրական:

. Հարցվածների 49.0%-ը կարծում է, որ խաղաղապահները կլքեն Արցախը, երբ լրանա հնգամյա ժամկետը։

. Հարցվածների 37.2%-ն Արցախում խաղաղապահների գտնվելու տևողության վերաբերյալ պատասխանել է՝ անորոշ ժամանակով։ Իսկ հարցվածների 13,8%-ը դժվարացել է պատասխանել այս հարցին։

Հ. Գ. Ընդհանուր առմամբ՝ «надо отдать должное», վերջին 2 տարում կազմակերպված հակառուսական տեմպն Ադրբեջանում զգալի առաջընթաց է գրանցել»: