«Շատ վատ եմ զգում, որ ԶՈՒ-ում նման զինվորական է առհասարակ եղել»․ Տիգրան Աբրահամյան

ԱԺ «Պատիվ ունեմ» խմբակցության պատգամավոր Տիգրան Աբրահամյանը լրագրողների հետ զրույցում անդրադառնալով իշխանական պատգամավորների հայտարարություններին, ըստ որի՝ Ռուսաստանն է փակել Բերձորի ճանապարհը, ասել է․ «Ըստ էության, շատ վատ եմ զգում, որ Զինված ուժերում նման զինվորական է առհասարակ եղել. ձեզ շատ եմ խնդրելու, որ նման դեմքերի հայտարարությունների վերաբերյալ ինձնից մեկնաբանություններ չխնդրեք, ինչքան հնարավոր է նրանց խոսքը քիչ հանրայնացնենք, որովհետև դա բխում է ադրբեջանական քարոզչությունից, ադրեբեջանական քաղաքականությունից. մեզ որևէ լավ տեղ չի տանի»։

Հիշեցնենք՝ Պաշտպանության նախկին փոխնախարար, գեներալ-լեյտենանտ, ՔՊ-ական պատգամավոր Գագիկ Մելքոնյանը հայտարարել էր, որ՝ «Լաչինի միջանցքը չբացելով, Ռուսաստանը Արցախում երկրորդ «Կոլցո» օպերացիան է իրականացնում՝ նպատակ ունենալով հայաթափել Արցախը»։