«Ոչ մեկի իշխանությունը հավերժ չի լինում․ ով գնացել է այդ ճանապարհով՝ վերջում ոտքը քարին է կպել»․ Անդրանիկ Քոչարյան

Այսօր ԱԺ պաշտպանության և անվտանգության հարցերի հանձնաժողովի նիստում ՊՊԾ-ն ԱԱԾ-ից առանձնացնելու և վարչապետին ենթակա մարմին դարձնելու օրենքների նախագծի քննարկման ընթացքում ՔՊ-ական Անդրանիկ Քոչարյանն ասել է․ «Ես համոզված եմ, որ վաղը, երբ արտահերթում կքննարկենք այս հարցը, էլի նույն հարցն է լինելու․ անջատում եք, որպեսզի վարչապետի իշխանությունը դառնա անսահմանափակ։ Ես խնդրում եմ՝ այդ հարցին մի հատ սպառիչ պատասխան, ձևակերպում գտնենք այնպես, որ հասկանան՝ վարչապետի իշխանությունն անջատել-միացնելով չի, այլ ժողովրդի տված քվեով է, այս պարզ բանը ոնց որ թե չի հասկացվում, որ ժողովրդի իշխանությունն է ամենամեծ ուժը։ Վաղը, երբ որ կարող ա և այլ բնույթի հարցեր ձեզ տան, բայց էս հիմնական շեշտադրումը, որ նորից հնչեցվի, որպեսզի գիտակցենք էս փոփոխությունները մի նպատակ ունեն՝ ո՛չ մեկի իշխանությունը հավերժ չի լինում, ո՛չ մեկի իշխանությունը հավերժացնելու մեջ չի, ով գնացելա այդ ճանապարհով՝ վերջում ոտքը քարին ա կպել։ Մենք մտադրություն չունենք ոչ պատվաբեր ճանապարհով գնալ»,- նշել է Քոչարյանը։