«Վերջապես պաշտոնական կարծիք հնչեց». Վաչիկ Գրիգորյան

Լրագրող Վաչիկ Գրիգորյանի ֆեյսբուքյան գրառումը. «Վերջապես Միութենական պետություն կոչվող Պուտինի հերթական խեղկատակության մասին պաշտոնական կարծիք հնչեց: ԱԽ քարտուղար Արմեն Գրիգորյանը հստակ ձևակերպեց Հայաստանի իշխանության դիրքորոշումը լկտի բիձուկ Լուկաշենկոյի ու միջազգային հանցագործ, ցեղասպան Պուտինի «երազանքի» վերաբերյալ:

Լավ կլիներ ընդդիմությունն էլ նույնքան կոշտ արձանագրում աներ, չէ որ, ընդդիմությունն ունի ավելի փոքր պատասխանատվության շրջանակ, քան՝ իշխանությունը: Եվ ի՞նչն է հետ պահում Սերժ Սարգսյանին ու Ռոբերտ Քոչարյանին, չէ՞ որ կեղծ են այն պնդումները, թե Պուտինի ճորտն են (էստեղ Սերժ Սարգսյանին մի քիչ կառանձնացնեի): Հուսամ՝ ընդդիմությունը կհաղթահարի կոմպլեքնսերն ու կհայտարարի, որ Հայաստանը երբեք չի լինելու Միութենական պետության կազմում:

Հուսամ՝ ձեր ներսում իրար չեք համոզի, թե այդպիսով հարաբերությունները կլարվեն ՌԴ-ի հետ: Հարաբերություններն արդեն լարված են, իսկ դուք ընդհանրապես կողմ չեք հանդիսանում այդ հարաբերություններում»: