«Սաակաշվիլիին ներում շնորհելը ծանր կնստի Զուրաբիշվիլիի վրա». Կալաձե

Թբիլիսիի քաղաքապետ Կախա Կալաձեն հայտնել է, որ, եթե Վրաստանի նախագահ Սալոմե Զուրաբիշվիլին ներում շնորհի Վրաստանի երրորդ նախագահ, այժմ անազատության մեջ գտնվող Միխայիլ Սաակաշվիլիին, ապա դա շատ ծանր կնստի անձամբ իր և իր կարիերայի վրա, հայտնում է aliq.ge-ն:

Ըստ քաղաքապետի՝ ծայրահեղ իրավիճակ չկա, և Սաակաշվիլիի շուրջ ստեղծված իրավիճակը նպատակաուղղված ներկայացում է: «Դա ուղղորդվում է տարբեր երկրներից։ Կնքվել են տարբեր պայմանագրեր, թե ինչպես պետք է իրականացվի PR քարոզարշավը»,- ասել է Կալաձեն։