«Կտրականապես դեմ եմ այս նախաձեռնությանը». Գոհար Հայրապետյան

Լրագրող, հաղորդավար Գոհար Հայրապետյանը ֆեյսբուքյան իր էջում գրել է. «Արդարադատության նախարարությունն առաջարկում է, որ պատերազմի ժամանակ կառավարությունը կարողանա ընդհանրապես համացանցն անջատել։ Այս գերատեսչության ամեն մի նոր նախաձեռնությունից հետո ժողովրդավարությունն ու արդարադատություննը լուռ ծխում են անկյունում։ Նման բան անում են ավտորիտար երկրները, սա ուղիղ մի ուղղությամբ տոմս է դեպի նրանց ակումբ, որտեղ իր կայուն տեղն ունի Ադրբեջանը։

Հայաստանն անցումային ժողովրդավարության փուլում է, և ցանկացած նման քայլ մղոններով հետ է շպրտելու մեզ։
Այսինքն՝ վաղն էլ կարող են նման մեխանիզմներ կիրառել, երբ ասենք ընտրություններից հետո մարդիկ դժգոհ փողոց դուրս գան։

Իշխանությունները պետք է հասկանան, որ իրենք վաղ թե ուշ գնալու են, իսկ իրենց հեղինակած օրենքները մնալու են մեր ուսերին։ Կտրականապես դեմ եմ այս նախաձեռնությանը»: