«Միջազգային հանրության ուշադրությունն ենք հրավիրում այս փաստի վրա». Արման Թաթոյան
487 Երեքշաբթի, 27 դեկտեմբերի, 2022 թ., 15:54 ՀՀ նախկին ՄԻՊ, «Թաթոյան» հիմնադրամի տնօրեն Արման Թաթոյանը գրում է. «Ադրբեջանի ՊՆ-ն Հայաստանի համայնքները տևական ժամանակ է ներկայացնում է ադրբեջանական հորինված, կեղծ անվանումներով՝ այդ կերպ տպավորություն ստեղծելով, թե իբր ՀՀ այդ տարածքներն ունեն ադրբեջանական պատկանելիություն։ Միջազգային հանրության ուշադրությունն ենք հրավիրում այս փաստի վրա և վստահ պնդում, որ սա Ադրբեջանի իշխանությունների հայատյաց ու թշնամանքի քաղաքականության մաս է, այն ցույց է տալիս նրանց իրական մտադրություններն ու Հայաստանի ինքնիշխան տարածքի նկատմամբ նկրտումները, ագրեսիայի հիմքերը: Մասնավորապես, Իրավունքի և արդարության կենտրոն «Թաթոյան» հիմնադրամի ուսումնասիրությունները ցույց են տալիս, որ Ադրբեջանի ռազմական գերատեսչության պաշտոնական հաղորդագրությունների մեջ Ջերմուկն իրենց լեզվով անվանում են İstisu, Սիսիանը՝ Qarakilsə, Վաղատուրը՝ Vağudi, Վարդենիսը՝ Basarkeçər, Նորաբակը՝ Əzizli, Վերին Շորժան՝ Yukhari Shorzha և այլն։ Սրանք ընդամենը մի քանի օրինակ են: Փոխարենը՝ անտեսելով Արցախի հայկական բնակավայրերի պատմական անվանումներն ամեն կերպ փորձում են ներկայացնել ադրբեջանական կեղծ տարբերակներով՝ բացարձակ անտեսելով բնիկ հայ ժողովրդի իրավունքներն ու շահերը (օրինակ՝ Մարտակերտն անվանում են Ağdəra, Մարտունին՝ Xocavənd և այլն)։ Այս փաստը հերթական ապացույցն է, որ Ադրբեջանը չի պատրաստվում խաղաղության Հայաստանի հետ, ավելին՝ խաղաղության պայմանագրի ստորագրման դեպքում անգամ այդ փաստաթուղթը չի գործելու, քանի դեռ միջազգային հանրությունը գործուն միջոցներ չի ձեռարկում՝ վերացնելու համար Ադրբեջանի իշխանությունների պատերազմ հրահրելու ու թշնամանքի քաղաքականությանը։ Այս ապացույցները ևս փաստագրվում են միջազգային կազմակերպությունների ուղարկելու, ինչպես նաև տարաբնույթն հանդիպումների ժամանակ ներկայացնելու նպատակով»։ Աղբյուրը` Արման Թաթոյան |
««Իրական Հայաստանն» այն պետությունն է, որի սակրավորը պայթում է թշնամու համար ականազերծում անելիս». Դավիթ Սարգսյան
3020:24Ակցիայի մասնակիցներից մեկը հետախուզման մեջ էր. նա ձերբակալվել է. Ոստիկանություն
4620:00«Ցանկացած իշխանություն իշխանություն է ուժայինների շնորհիվ». ակցիայի մասնակցի կոչը՝ ոստիկաններին. ՈՒՂԻՂ ՄԻԱՑՈՒՄ (տեսանյութ)
7919:24«170 մետր. սա Կիրանցում նոր կառուցվող դպրոցի հեռավորությունն է լինելու թշնամուց». Վարդան Ոսկանյան (լուսանկար)
8819:00Իրանում ռեփերի են մահապատժի դատապարտել
17417:50«Չի ուզո՞ւմ թեկուզ ջրի շշեր ուղարկի Տավուշ, որ հետո հպարտանալու շանս ունենա»․ Սյուզի Բադոյան
12217:18«Քիչ առաջ ազատ արձակվեցի». Էդգար Ղազարյան
9016:48«Էդ անգրագետը հողից հասկանո՞ւմ ա, կռվե՞լ ա, որ իմանա»․ տավուշցիները՝ Փաշինյանի մասին (տեսանյութ)
10916:30