«Արմեն Գրիգորյանն Ադրբեջանի՞, թե՞ ՀՀ քաղաքացի է․ Արցախից հրաժարվել, ասում է՝ ռուսների հարցն է»․ Կարեն Քոչարյան

Քաղտեխնոլոգ Կարեն Քոչարյանը 24TV-ի եթերում անդրադառնալով Անվտանգության խորհրդի քարտուղար Արմեն Գրիգորյանի՝ ռուսական կողմի՝ միջանցք կորզելու նպատակով ճնշումների և Հայաստանին Միութենական պետություն մտցնելու վերաբերյալ հայտարարություններին, նշել է․ «Արմեն Գրիգորյանն Ադրբեջանի՞, թե՞ ՀՀ քաղաքացի է․ Արցախից հրաժարվել, ասում է՝ ռուսների հարցն է։ ՀՀ իշխանությունն Ադրբեջանի փոխարեն Ռուսաստանի դեմ է պայքարում, նրանք չեն հասկանում, որ մենք չենք կարող Ուկրաինա դառնալ։ Նույնիսկ ամենաթույլ Ռուսաստանի հետ չի կարելի թշնամանալ, նույնն է, թե գլուխդ խփես պատին, այն դեպքում, երբ կարող ես շրջանցել։ Բայց, քանի որ չեմ հավատում ո՛չ ռուսական իշխանություններին, ո՛չ առավել ևս հայկական իշխանություններին, չեմ կարող մեկնաբանել, որովհետև չգիտեմ՝ ով ինչքա՞ն է խաբում»։

ՀՀ ներկայիս իշխանությունների վարած քաղաքականության թեման շարունակելով՝ Քոչարյանն ընդգծեց. «Պետք էր տաղանդ ունենալ, որպեսզի գալ իշխանության մոտ 90 տոկոս լեգիտիմություն ունենալով (նման լեգիտիմություն, ես կարծում եմ, վաղուց որևէ իշխանություն որևէ երկրում չէր ունեցել) և կորցնել ու մսխել ամեն ինչ ընդամենը մի քանի տարում»։