«Հա, չմոռանաք խոզի բուդը կծելուց հետո հայրենիքի կենացը խմել». Վահե Լոռենց

Պատմաբան, գրող, հրապարակախոս Վահե Լոռենցը ֆեյսբուքյան իր էջում գրել է. «Հայության արևելյան հատվածը՝ 120․000 մարդ, շրջափակման մեջ է, օրհասական օրեր է ապրում, մյուս հատվածը տենդագին տոլմա-բլինչիկային շոու է կազմակերպում, անթաքույց տոնական տրամադրության մեջ է․․.

Այսպես էր նաև 1915 թվականին, այսպես էր և 1920 թվականին․․․ Հետո, տարիներ անց, հայ պատմագիտությունը կգրի հայի լավ տեսակի և նրա ստոր ու նենգ դրկիցների մասին, կլղոզի ամեն իրողություն․․․

Արդյունքում, արդյունքում՝ Ծիծեռնակաբերդի ու Եռաբլուրի կողքին մի քանի տասնամյակ անց վեր կհառնի նմանատիպ մեկ այլ կոթող, հետո ևս մեկը, մինչև այն պահը, երբ հայը թանգարանային նմուշ կդառնա․․․ Հա, չմոռանաք խոզի բուդը կծելուց հետո հայրենիքի կենացը խմել․․.»: