«Փաշինյանը Կառավարության նիստում խոսեց ոչ թե սպասվելիք խաղաղության, այլ՝ պատերազմի մասին»․ Գագիկ Մինասյան

«Խաղաղության դարաշրջան բացելու խոստումներով 2021 թվականին վարչապետի պաշտոնում վերընտրված Նիկոլ Փաշինյանը Կառավարության 2022 թվականի տարեվերջյան նիստում խոսեց ոչ թե սպասվելիք խաղաղության, այլ՝ պատերազմի մասին։ Կործանարար փաստերի ականատես կլինենք, իսկ Լաչինի միջանցքի փակումն այդ շղթայի մի մասնիկն է միայն»,- այս մասին 168 TV-ի եթերում հայտարարել է ՀՀԿ Գործադիր մարմնի անդամ Գագիկ Մինասյանն՝ անդրադառնալով Փաշինյանի հայտարարությանը, ըստ որի՝ «բոլոր նախանշանները կան պնդելու, որ Ադրբեջանը հերթական ռազմական սադրանքն է պատրաստում, այդ թվում՝ Լեռնային Ղարաբաղում, և իրադրության զարգացումները հրատապ պատասխանի սպասող հարցեր են բարձրացնում ԼՂ-ում ՌԴ խաղաղապահ զորախմբի գործունեության հետ կապված»։