«2023-ին լինելու են շատ լուրջ գործընթացներ»․ Աբրահամ Գասպարյան

«Ադրբեջանն ասում է՝ Ղարաբաղի խնդիր գոյություն չունի, հաջորդը լինելու է՝ Սյունիքի խնդիր գոյություն չունի, մինչև հասնելու են Երևանի դարպասներ»,- 168TV-ի եթերում նման կարծիք է հայտնել քաղաքագետ Աբրահամ Գասպարյանը՝ հորդորելով պատրաստ լինել չընդհատվող պատերազմի: «Պաշտոնապես հայտարարում եմ՝ 2023 թվականին լինելու են շատ լուրջ գործընթացներ․ հայակործան այս քաղաքականության ընդհատումը լինելու է հենց այն արժանապատիվ երիտասարդների ձեռքով, որոնք, ներողություն, թքած ունեն և ունենալու են ցանկացած ուժի նկատմամբ, որը կփորձի Հայաստանի, Արցախի և հայ ժողովրդի պետական շահերը ոտնակոխ անել այնպես, որ Հայաստանը դառնա թուրքական վիլայեթ: Լինելու է կենաց-մահու կռիվ, ընդ որում՝ այդ կռիվը ոչ թե թուրքերն են մեզ պարտադրելու, այլ լինելու է ներսում, որովհետև մինչև սրանք իշխանությունից չզրկվեն, մենք որևէ շանս չենք ունենալու պետություն պահելու»,- խոսելով երկրում ստեղծված իրավիճակի հանգուցալուծումների մասին՝ ամփոփել է Գասպարյանը։