«Մի ողջ ժողովուրդ սովամահ է լինում». Արցախի ԱԳ նախարարի պաշտոնակատար

Արցախի արտգործնախարարի պաշտոնակատար Դավիթ Բաբայանի խոսքով՝ Արցախում առկա է դեղամիջոցների, ուտելիքի, վառելիքի խիստ պակաս. 30 հազար երեխա այս իրավիճակում փորձում է գոյատևել. «Շնորհակալ ենք, որ Կարմիր խաչը նման քայլեր է ձեռնարկում՝ տեղափոխում է բեռներ, փորձում է օգնել, բայց շատ կարևոր է նաև, որ քաղաքական մեսիջներ հնչեցվեն: Չէ՞ որ լավագույն տարբերակն այն է, որ Արցախի նկատմամբ ահաբեկչությունը դադարեցվի, դրա համար Կարմիր խաչը, ՄԱԿ-ը, տարբեր կառույցներ պետք է լծվեն այդ գործին»,- «Ազատության» եթերում ասել է Արցախի արտգործնախարարի պաշտոնակատար Դավիթ Բաբայանը: «Մի ողջ ժողովուրդ սովամահ է լինում: Ուրիշ երկրներում պարում են, Ձմեռ պապից ակնկալիք են սպասում երեխաները, մեր երեխաներն էլ հաց չունեն ուտելու՝ սոված են»,- հավելել է նա:

Հիշեցնենք՝ Ադրբեջանն արդեն 23 օր փակ է պահում Արցախը Հայաստանին կապող միակ ճանապարհը: