«Արցախի ժողովուրդը սկսում է խուճապի մատնվել հենց իր սեփական իշխանության լռության պատճառով»․ Մետաքսե Հակոբյան

Արցախի Հանրապետության ԱԺ պատգամավոր Մետաքսե Հակոբյանը «Hayeli.am»-ին տված հարցազրույցում նշել է, որ Արցախում անհանգստությունը գնալով մեծանում է․ «ՀՀ իշխանությունները, որոնք իրավունք ունեն, մասնավորապես՝ վարչապետը, ստորագրություն դնելու, հնարավոր է հերթական պարտվողական որոշմանը գնա և մեր թիկունքից հերթական կապիտուլյացիոն փաստաթուղթը ստորագրի»։

Հակոբյանի փոխանցմամբ անհանգստությունը գնալով մեծանում է, որովհետև լուռ են նաև Արցախի իշխանությունները․ «Այս 2-2․5 տարիների ընթացքում թշնամին այդպես էլ չկարողացավ խուճապ առաջացնել Արցախում՝ իր տարբեր գործողություններով, բայց ժողովուրդը սկսում է խուճապի մատնվել հենց իր սեփական իշխանության լռության պատճառով»,- պնդել է պատգամավորը։