«Սեպտեմբերյան ագրեսիայի գործով 11 մեղադրյալ կա». Արգիշտի Քյարամյան

Այսօր Հանրայի հեռուստաընկերության եթերում ՀՀ քննչական կոմիտեի նախագահ Արգիշտի Քյարամյանը տեղեկացրեց, որ Ադրբեջանի կողմից Հայաստանի դեմ սանձազերծված սեպտեմբերյան ագրեսիայի վերաբերյալ քննվող քրեական գործով 22 վարույթ է նախաձեռնվել, որոնք հետագայում միացվել են մեկ վարույթում։ Շուրջ 600 տուժած անձ կա՝ վիրավորներ, զոհեր, նաև քաղաքացիական բնակիչներ, որոնք զրկվել են իրենց բնակարաններից։ «11 մեղադրյալ ունենք, որոնց մեծ մասն արդեն կալանավորված է, և 4 դրվագով արդեն ավարտել ենք նախաքննությունն ու ուղարկել ենք դատարան: Խոսքը ոչ թե բարձրաստիճան սպաների մասին է, այլ միջին օղակի սպաների և զինծառայողների»,– հայտնել է Քյարամյանը։