«Ռուսաստանն Արցախը սկուտեղի վրա նվիրելու է Ադրբեջանին». Էդվարդ Անտինյան

Քաղաքագետ Էդվարդ Անտինյանը «Բաց հարթակ» հաղորդման եթերում Արցախի շրջափակման խնդրի լուծման երկու ուղղություն է մատնանշել․ «Առաջինը՝ պետք է արևմտյան փաթեթով բանակցենք, որպեսզի աշխարհը մեզ հասկանա, այլապես դու ասում ես, որ հումանիտար աղետ է արել Ադրբեջանը, բայց տեսնում են՝ Ռուսաստանի դաշնակիցն ես, ոչ մի պարագայում չես պատրաստվում հրաժարվել այդ դաշնակցային հարաբերություններից։ Եվ երկրորդը՝ Իրանի հետ մեր շահերը համընկնում են, իրանական փաթեթի հետ պետք է աշխատենք»։
Անտինյանի պնդմամբ՝ Ռուսաստանը Արցախը սկուտեղի վրա նվիրելու է Ադրբեջանին, որի դիմաց Թուրքիայից և Ադրբեջանից ստանալու է բոնուսներ․ «Առաջին հերթին Ռուսաստանին է պետք, որ Արցախը դատարկվի, որովհետև բավական թանկ Արցախը վաճառելու է Ադրբեջանին։ Արցախը Ռուսաստանի կազմ չի՛ մտնելու, ա՛յ միամիտներ, Ռուսաստանն այնքան խնդիրներ ունի․․․»,- ավելացրել է քաղաքագետը։