«Մենք պետք է գնանք ուղիղ խոսակցության Ադրբեջանի հետ»․ ՔՊ-ական պատգամավոր

ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանն «Առաջին լրատվական»-ի եթերում անդրադարձել է Արցախի շրջափակմանը, որը շարունակվում է արդեն 26 օր. «Ռուսաստանը սովորել էր, որ Հայաստանի հարցերը քննարկեն իր հետ, և երբ նոր իշխանությունն ասում է՝ ո՛չ, մեր հարցերը մեզ հետ եք քննարկելու, մենք ինքնուրույն ենք, սա առաջացնում է որոշակի խանդ, դժգոհություն»։
Պատգամավորի խոսքով՝ Ռուսաստանի համար միևնույնն է՝ Արցախում 120 հազար մարդ կապրի, թե 80 հազար, իրենց տարածքն է հետաքրքրում․ «Ես տեսնում եմ, որ այս լարվածությունը բխում է Ադրբեջանի և Ռուսաստանի շահերից, պատահաբար չի ՌԴ կրավորական կեցվածքը։ Կարծում եմ՝ մենք պետք է գնանք ուղիղ խոսակցության Ադրբեջանի հետ․ մե՛նք պետք է իրենց հետ խոսենք, ոչ թե ռուսը։ Էդ որ այսօր ռուսն է երաշխավորը, էդ լավագույն ճանապարհը չի, մենք պարտադրված ենք դրան գնացել»,- ասել է Խաչատրյանը։