«Փաշինյանն այդպես էլ չկարողացավ խաբել Թուրքիային և Ադրբեջանին, բայց մեզ խաբեց»». Արա Սահակյան

«Մոսկվան պետք է կանգ առնի, ՀՀ-ին Թուրքիայի ողորմածությանը թողնելով ոչինչ չի ավարտվի»․ այս մասին 24TV-ի եթերում նշել է 1992-98 թթ. ԱԺ փոխնախագահ, Ղազախստանում ՀՀ նախկին դեսպան Արա Սահակյանը։

Սահակյանի համոզմամբ, պատերազմով փորձելու են մեզ ինչ-որ լուծումներ պարտադրել․ «Ներկայումս Ադրբեջանը, ունենալով Թուրքիայի լիակատար աջակցությունը, թևավորվել է և կարծում է, թե հիմա ամենահարմար պահն է Հայաստանից առավելը ստանալու համար»։

«Բաքուն չի գնում աստիճանական կարգավորման, այլ փորձում է միանգամից վերցնել ամեն հնարավորը․․․Փաշինյանն այդպես էլ չկարողացավ խաբել Թուրքիային և Ադրբեջանին, բայց մեզ խաբեց»,- կարծիք է հայտնել Ա․ Սահակյանը։