«Երբ մեզ ավերակների առաջ եք կանգնեցրել, գոնե հիմա հեռացեք` միգուցե ժամանակ շահենք»․ Վարազդատ Հարությունյան

Փաստաբան Վարազդատ Հարությունյանն իր ֆեյսբուքյան էջում գրել է. «Դուք (իշխանություններ) ոչինչ ստեղծելու ընդունակ չեք, տառացիորեն ոչ մի բան: Որևէ մարտահրավերի չկարողացաք դիմակայել, եղածներն էլ բազմապատկեցիք:
Ինչ ասել եք՝ ստել եք, ինչ էլ արել եք՝ քանդել եք եղածը ու Հայաստանը միջազգային հանրության աչքերում դարձրել անհասկանալի ու անորոշ մի բան:
Սկզբում Արցախը Հայաստան էր և վերջ, հիմա վե՞րջ: «Անջատում հանուն փրկության» և «խաղաղության դարաշրջան» գոռալով ընտրություններ հաղթեցիք ու հիմա ի՞նչ անջատում, Արցախը տեսնում եք ադրբեջանի կազմում լայն ինքնավարությամբ (չէ մի չէ՝ փռթած մածուն), իսկ խաղաղությունն էլ մնաց ձեր բուկլետներում:
Որևէ դիվանագիտական աշխատանք չկա: Ոչ կարգին ռուսի հետ եք աշխատում, ոչ էլ մի բովանդակային հակառուսական քայլ եք անում (հայկական ռազմական կոնտինգենտը Սիրիայում ա, մենք էլ՝ ՀԱՊԿ-ում): Արածներդ լրբի շուխուր ա ընդամենը: Հայաստանը մեկուսացրել եք՝ զրկելով մանևրելու ու հիմնական խաղացողների հետ խոսելու բոլոր գործնական հնարավորություններից:
Ասենք օրինակ՝ կրոնական ազատությունների (հակաչինական) ալյանս եք մտցրել երկիրը, դե գոնե մի հակաադրբեջանական հայտարարության նախագիծ ներկայացրեք քննարկման, տեսեք կընդունվի՞: Ավելի շուտ ծոծրակներդ կտեսնեք: Եվ ի՞նչ շահեց Հայաստանն էդ ալյանսից, Չինաստանի «բարեկամությո՞ւնը»:
ՄԱԿ-ի ԱԽ-ում մի սթից շուխո՞ւռն էր ձեր արածը: Էհ, պետություն չունեցող ազգերն էլ կարող են ասենք Ֆրանսիայի պոչը բռնեն, որ մի տենց մեկանգամյա շուխուռ ստանան:
Հերիք ա էնպիսի մի խորհրդավորություն հաղորդեք ձեր ապաշնորհությանը, թե իբր մեզ ավելի լուրջ փորձանքից եք ուզում փրկել (էդ տրյուկը վաղուց բացահայտված ա մասնագիտական գրականությունում):
Հիմա, երբ մեզ ավերակների առաջ եք կանգնեցրել, գոնե հիմա հեռացեք՝ միգուցե ժամանակ շահենք:
Հեռացե՛ք, որ և՛ դուք փրկվեք և՛ մենք (երևի)»: