«Չեմ ընդունում էն մարդուն, ով ռուս խաղաղապահների հետ ուտելիք է բերել և թանկ գնով վաճառել մարդկանց վրա»․ Ռ․ Վարդանյան

«Կան մի քանի պատմություններ, որոնց մասին ուզում եմ նշել՝ առանց անունները տալու։ Այդ դեպքերն ինձ համար անընդունելի են, և ես ամեն օր պայքարելու եմ դրանց դեմ»,- ֆեյսբուքյան եթերում՝ դիմելով քաղաքացիներին, ասաց Արցախի պետնախարար Ռուբեն Վարդանյանը։

«Ես չեմ ընդունում, որ մարդը հնարավորություն ունի մի քանի տոննա բենզին փոխարինել ինչ-որ մարդկանց հետ և դրա շնորհիվ իր երեխաները, ընտանիքը օգտագործեն շտապօգնության մեքենան․․․և եթե այսպես շարունակվի մենք շտապօգնության մեքենաների խնդիր կունենանք»- շարունակեց պետնախարարը։

«Ես չեմ ընդունում էն մարդուն, ով հնարավորություն է ունեցել ռուս խաղաղապահների հետ բերել ուտելիք և վաճառել մարդկանց վրա թանկ գնով։ Չեմ ընդունում այն մարդկանց, ովքեր փորձում են փող աշխատել այս դժվարությունների ժամանակ։ Չեմ ընդունում այն խանութների տերերին, որոնք պահում են ապրանքը և իրենց բարեկամներին և ծանոթներին են տալիս։ Չեմ ընդունում ֆեյքերի և բամբասանքների միջոցով մարդկանց վարկաբեկելը»,- ասաց Վարդանյանը։