«Մարդիկ, որոնք պետք է քրեակատարողական հիմնարկներում լինեին, հայտնվեցին բարձր պաշտոններում»․ Նինա Կարապետյանց

Իրավապաշտպան Նինա Կարապետյանցը Factor TV-ի եթերում ամփոփելով 2022 թվականին դատաիրավական համակարգում կատարված աշխատանքները՝ կարծիք է հայտնել, որ բացթողումները բազմաթիվ են․ «Նախորդ տարիների բարեփոխում ներկայացվող պրոցեսները քննարկելիս անընդհատ բերում էին որպես արգումենտ՝ տեսեք, թե 3-4 կամ 4-5 տարի հետո ինչպիսի արդյունքներ ենք ունենալու։ Եվ հիմա մենք տեսնում ենք, որ Հակակոռուպցիոն դատարանի դատավոր է նշանակվում Մնացական Մարտիրոսյանը, ԲԴԽ անդամ է դառնում Հայկ Գրիգորյանը, որի հետ կապված բազմաթիվ խնդիրներ կան, մասնավորապես՝ խաղաղ պայմաններում սպանված զինծառայողների գործով տապալման պրոցեսներ ենք տեսել»։
Կարապետյանցը հորդորել է հասարակությանը ինքն իրեն հարց տալ՝ ինչպե՞ս պատահեց, որ մանդատ, «չագուճ» տվեցին գործող իշխանությանը բարեփոխումներ իրականացնելու համար, և հիմա տարբեր մարդիկ, որոնք պետք է քրեակատարողական հիմնարկներում լինեին, հայտնվեցին ավելի բարձր պաշտոններում: