Երկուշաբթի, 23 փետրվարի, 2026 թ.
|
Ստեփանակերտում`   +6 °C

«Մենք գիտենք կամ ենթադրում ենք՝ ինչ են մեզնից ուզում այլ երկրները, բայց չգիտենք՝ պաշտոնական Երևանն ի՞նչ է ուզում»․ քաղաքագետ

«Մենք գիտենք կամ ենթադրում ենք՝ ինչ են մեզնից ուզում այլ երկրները, բայց չգիտենք՝ պաշտոնական Երևանն ի՞նչ է ուզում»․ քաղաքագետ
225
Երեքշաբթի, 10 հունվարի, 2023 թ., 17:12

«Տպավորություն է՝ Արցախի շուրջ զարգացումներ են, իսկ ՀՀ իշխանության կողմից տոտալ անտարբերություն է։ Ակնհայտ է, որ Լաչինի հարցով միջազգային կոնսոլիդացված ճնշում Ադրբեջանի նկատմամբ գոյություն չունի։ Իշխանությունը հասկացնում է, որ ՀՀ տարածքային ամբողջականությունը և ինքնիշխանությունը պահպանելու գինը Արցախը զոհաբերելն է»,- խոսելով դեկտեմբերի 12-ից Ադրբեջանի կողմից Արցախի շրջափակման մասին՝ «Առաջին լրատվական»-ի հետ զրույցում նման տեսակետ է հայտնել «Դեմոկրատական այլընտրանք» կուսակցության ղեկավար Սուրեն Սուրենյանցը։

Ըստ Սուրենյանցի՝ Հայաստանում և Արցախում ստեղծված իրավիճակի շուրջ բոլոր երկրների ծրագրերը մենք քննարկում ենք, որովհետև այսպես թե այնպես գիտենք կամ ենթադրում ենք՝ ինչ են մեզնից ուզում․ Բաքուն ի՞նչ է ուզում, Մոսկվան, ԱՄՆ-ն ի՞նչ է ուզում, բայց մենք չգիտենք՝ պաշտոնական Երևանն ի՞նչ է ուզում։