«Նա խաղատախտակին խաղում է ֆուկ անելու սկզբունքով». Աստղիկ Ավետիսյան

ԵՊՀ ժուռնալիստիկայի ֆակուլտետի դոցենտ, բ.գ.թ., Հայկական PR ասոցիացիայի նախագահ Աստղիկ Ավետիսյանը ֆեյսբուքյան իր էջում գրել է. Պատրաստված, մտածված ասուլիս էր՝ սլաքներն այլ կողմ ուղղելով, այլ հարվածներ հասցնելով։ Նոր, չկողմնորոշված լսարանին ներգրավվելով, մեղավորության պատասխանատվությունը վերցնելով, բայց անմեղ ձևանալով։
Տարօրինակ հանգստությամբ զոհաբերվելու՝ որպես պատիժ իշխանություն ստանալու և տարբեր հանգամանքներով պայմանավորված չարդարացված կառավարման արդարացումներ փնտրելու մոտեցմամբ։ Ընդդիմությունը հաջողության շանսեր երբեք չի ունենալու, որովհետև դասական քաղաքագիտական մոտեցմամբ է առաջնորդվում։
Նիկոլ Փաշինյանն ինչքան ուզի, այնքան էլ մնալու է վարչապետ, որովհետև հասարակության մտածողությունն ու իրական հոգեվիճակը շատ լավ գիտի։
Նա խաղատախտակին խաղում է ֆուկ անելու սկզբունքով՝ քիչ֊քիչ, կամաց֊կամաց, իրեն ձեռնտու տեղեկատվության սնուցմամբ, ենթագիտակցորեն ազդելով, կարծիք ձևավորելով և կարծիքն ամրապնդելով»։