«Միակ լուծումը 1992 թվականի նման գործողությունների պատրաստվելն է». Թևան Պողոսյան

Քաղաքագետ Թևան Պողոսյանը Factor TV-ին տված հարցազրույցի ընթացքում խոսել է դեկտեմբերի 12-ից Ադրբեջանի կողմից Արցախի շրջափակման հարցում Հայաստանի դերակատարման մասին. «Արցախցիների բարոյահոգեբանական վիճակը 90-ականներից տարբերվում է նրանով, որ այն ժամանակ ՀՀ-ում հնչում էր ձայն, որ մենք միասին ենք, պայքարելու ենք միացման համար, մենակ չենք թողնելու ձեզ։ Դրա ապացույցը եղավ 1992 թվականի լուծումը, երբ այդ բլոկադան բացվեց։ Այս անգամ էլ չկա որևէ նախադրյալ, որ Ադրբեջանն ինքնակամ բացելու է միջանցքը, և իմ պատկերացմամբ՝ այս սցենարի ունեցած միակ լուծումը 92 թվականի նման գործողությունների պատրաստվելն է»,- նշել է Պողոսյանը։

Հարցին՝ նախկիններին պետք է իշխանության բերե՞լ, որ միջանցքը բացվի, Պողոսյանն արձագանքել է. «Ժամանակները փոխվել են, մոռացե’ք նախկինների մասին»։

Քաղաքագետի պնդմամբ՝ ճանապարհի բացման խնդրում հայկական հարցերը թողել ենք, ընկել ենք ուրիշ երկրների ետևից. «Մենք չունենք ոչ մի բան, բացի ազգային միասնության ռեսուրսից»։