«Որտեղի՞ց հիմնավորումը, որ այդ ֆոսֆորը ուկրաինական է»․ Վիլեն Գաբրիելյանը՝ Գեղամ Նազարյանին

Այսօր ԱԺ պաշտպանության և անվտանգության հարցերի հանձնաժողովի նիստին ընդդիմադիր պատգամավոր Գեղամ Նազարյանի ներկայացրած «ՀՀ պաշտպանության համար զոհված զինծառայողների ընտանիքի անդամների երաշխիքների մասին» օրենքի նախագծի քննարկման ընթացքում ՔՊ-ական Վիլեն Գաբրիելյանն իր գործընեկրներին խնդրեց դեմ քվեարկել նախագծին, քանի որ իր համոզմամբ՝ Նազարյանը տվել է վերնագիրը, բայց չի տվել բուն նյութը․ «Ձեր ելույթում պնդում եք անում, որ ադրբեջանցիները օգտագործել են ուկրաինական ֆոսֆոր։ Էն, որ ադրբեջանցիները ֆոսֆորը օգտագործել են, դա փաստ է, բայց ուզում եմ հասկանալ՝ որտեղի՞ց ձեզ այդ հիմնավորումը, որ այդ ֆոսֆորը ուկրաինական է, այլ ոչ թե օրինակ՝ Զիմբաբվեից։ Որտեղի՞ց այդ ինֆորմացիան, ես ուզում եմ հասկանամ։ Ես գիտեմ՝ այդ ինֆորմացիան որտեղից է, որովհետև, ցավոք սրտի, ՀՀ-ում դուք, շատերդ ապրում եք ֆեյսբուքում, ֆեյսբուքում մեկը մի բան քցելա, վեկալել եք, փաստ եք սարքել ու գնաց․․․ վսյո, էտի մեր համար դառելա փաստարկ»,- ասաց Գաբրիելյանը։