«Իշխանությունները պայմանավորվածություններ ունեն ադրբեջանցիների և թուրքերի հետ»․ Սեյրան Օհանյան

Այսօր ԱԺ-ում լրագրողների հետ զրույցում «Հայաստան» խմբակցության պատգամավոր Սեյրան Օհանյանը՝ անդրադառնալով նախօրեին ասուլիսի ժամանակ հնչեցված Փաշինյանի հայտարարությանը, որ ՀԱՊԿ զորավարժությունները այս տարի Հայաստանում չեն կայանա, քանի որ կարող են լարվածություն առաջացնել տարածաշրջանում, նկատել է․ «Ընդհանուր առմամբ զորավարժություններն անցկացվում են ոչ թե մարտահրավերներից, սպառնալիքներից խուսափելու, այլ ընդհակառակը՝ դրանց դիմագրավելու համար: Հասարակ զորավարժությունները նրա համար են, որ դիմագրավենք այն սպառնալիքները, որոնք գալիս են Ադրբեջանից: Երկրորդ՝ ՀԱՊԿ-ի զորավարժություններին այսօր այլընտրանք գոյություն ունի՞, թե ոչ․ իհարկե գոյություն չունի: Օրվա իշխանությունները որոշակի պայմանավորվածություններ ունեն ադրբեջանցիների և թուրքերի հետ, որ չպետք է կատարելագործեն մեր ունակությունները ոչ միայն մեր բանակի ներսում, այլև ռազմաքաղաքական դաշինքի՝ ՀԱՊԿ-ի հետ»,- շեշտել է Օհանյանը։