«Դուք իրար հետ չե՞ք շփվում, պայմանավորվեք՝ ո՞վ ինչ է խոսում, ինչի՞ համար»․ Արման Աբովյան

ԱԺ նախկին պատգամավոր Արման Աբովյանը «Անվտանգային մարտահրավերներ» թեմայով քննարկման ընթացքում անդրադարձել է ՀՀ ներկայիս իշխանության ներկայացուցիչների, իր խոսքով, միմյանց հակասող հայտարարություններին․ «Անվտանգության խորհրդի քարտուղար Արմեն Գրիգորյանը լուրջ դեմքով Հանրային հեռուստատեսությամբ հայտարարում է, որ ՀՀ վրա ճնշում է գործադրվում Միութենական պետության մասով։ Նիկոլ Փաշինյանը հերքում է՝ փաստացի ասելով, որ դա փորձագետների մակարդակով է հնչել։ Չեմ հասկանում դուք իրար հետ չե՞ք շփվում, մի հատ իրար զանգեք երեկոյան կամ առավոտյան, պայմանավորվեք՝ ո՞վ, ինչա՞ խոսում, ինչի՞ համար, որովհետև այդ հայտարարությունները բացի նրանից, որ բերում են անդառնալի հետևանքների ՀՀ անվտանգային համակարգի մասով, դա նաև ձեր խոսքը անլրջացնում է խայտառակ ձևով։ Կարելի է ենթադրել, որ դա արվում է հատուկ»,- ասել է Աբովյանը։